Дневник пользователя SeriouS

SeriouS
35, Азербайджан

12.02.2010


Elə baxma, bir baxışdan ölə billəm
Elə baxma, ocaq kimi sönə billəm
Bircə anda üz çevirib dostdan, yardan
Təmiz əhddən, düz ilqardan dönə billəm

Elə baxma, sixma məni, əzmə məni
Çək üstümdən cazibəni çıxım gedim
Öz sevgilim, öz yarım var gəzmə məni
Qiyma mənə öz dünyamı yıxım gedim

Çək gözümdən gözlərini, ağ eləmə
Sevginin də qədəri var, qəzası var
Hicranını sinəm üstə dağ eləmə
Həddin aşan məhəbbətin "cəzası" var

Elə baxma, vallah axır bir iş çıxar
Günah olar, yazıq olar ikimizə
Arxamızca gözü yaşlı bir qız baxar
Bağışlamaz, qənim olar Allah bizə.

Nə qədər ki, yolumuzu azmamışıq
Dönək geri ..., qınamasın ellər bizi
Nə qədər ki, yazılanı pozmamışıq
Aparmasın qoy bulanıq sellər bizi.


12.02.2010

AZƏRBAYCANAM

Dəmir qapısıyam qoca Dərbəndin

Ilk ocağı, ilk közüyəm Mərəndin

Sinəm üstə ucalığı Səhəndin

Borçalıyam, Zəngəzuram, Dilcanam

Azərbaycanam!


Ərkəm, Əlincəyəm, İf qalasıyam

Bu Odlar yurdunun od qalasıyam

Düşmənin gözünə ağ salasıyam

Yardımlıyam, Ərdəbiləm, Zəncanam

Azərbaycanam!


Qobustanam, Babadağam, Qoşqaram

Xınalıqda, Murovdağda sal qaram

Dünya yaranandan belə mən varam

Beyləqanam, Balakənəm, Şirvanam

Azərbaycanam!


Urmiyənin torpağıyam daşıyam

Savalanın zirvəsinin başıyam

Seyid Əli üzüyünün qaşıyam

Başdan-başa inqilabam, üsyanam

Azərbaycanam!


Gözəl Qarabağam, Muğanam, Miləm

Ən böyük çələngəm, ən gözəl güləm

Hələ son sözünü deməmiş diləm

Gəncəyəm, Göy-göləm dağam, aranam

Azərbaycanam!


Дневники
Дневники обновляются каждые 5 минут