11.07.2014
39, Firenze, Italy
ისე დათარეშობ ახლა ჩემს ფიქრებში,
ვიცი შეგრცხვებოდა მე, რომ შემომესწრო...
ისე თავხედურად გულში ჩამოჯექი,
შენი სიმხურვალის ცეცხლი შემომენთო...
ისე, ააღელვე გრძნობის ქარიშხალი,
არც კი გაიკვირვე შენი სითამამე,
გულში ამოქარგე თეთრი გვირილები,
მე კი, ცხელი კოცნა შენგან ვიასმაგე...
სულში ჩამოფინე ჭრელი ხავერდები,
სუნთქვას შეაპარე შენი ატმოსფერო...
თუკი შენს გაზაფხულს ჩემით არ მოიყვან,
უშენ–უმერცხლებლოდ, როგორ ვიარსებო...
მაისს მოვუყვები, რომ შემომეყვარე,
იქნებ, მისებურად ჭკუაც დამარიგოს,
მოდი, ჩემს ფიქრებში კვლავ იხეტიალე,
ღმერთმა უშენობა იქნებ ამარიდოს...
3 просмотров
Комментариев пока нет.
Будь первым - напиши свой комментарий.