ცის ლურჯ გუმბათს ქვეშ ჩვენა ვართ ხუთნი,
ვიცავთ სამშობლოს თავისუფლებას.
მუშტად შეკრული, ვით ერთი გუნდი,
სხვაგვარად მაინც არ გვაქვს უფლება.
ჩვენ ხომ ერთმანეთს ვენდობით ძმურად,
ვემსახურებით ჩვენს ხალხს ერდგულად.
ჭირსაც ავიტანთ ჩვენ ვაჟკაცურად,
ბრძოლაშიც ვხვდებით მტერს მამაცურად.
ეს არის სახე ჩვენი კაცობის
და მამაცობის,პატიოსნების.
ჩვენი ქვეყანა იყოს ძლიერი
- ეს არის არსი ჩვენი ოცნების.
ჩვენი მიზანი მხოლოდ ერთია
- ჩვენი სამშობლო ჩვენი ღმერთია!
ქვეყნად სამშობლო ერთადერთია
და ჩვენს გულებშიც იგი ერთია.
...და როცა ზეცის ეს ლურჯი სივრცე
გადაწითლდება ცეცხლის ენებით,
ტყვიის გუგუნში ჩვენს სულსაც მივცემთ,
ჩვენც წინაპრების მოგვდგამს გენები.
და თუ სამშობლო მოითხოვს ჩვენგან
ბოლო ძალასაც ჩვენი შეძლების,
ჩვენ მზად ვიქნებით შეუდრეკელად,
დაგვიცავს ლოცვა ქართველთ დედების.
...და ჯარი მიდის შეკრული მუშტად,
მათ გულებს ბრძოლის ცეცხლი ედების.
სამშობლოსათვის თავდადებული
იქნებ მოგვესმის ხმები გედების?!
და თუ გმირულად დაცემა გველის,
ჩვენ…