02.02.2014
34, Тбилиси, Грузия
ქარი ქრის, ქუჩაში ფოთლების ჯაზია,
წყვილების მარში და მე და შენ ცალ-ცალკე,
მიყვარხარ! და ამას ნაკლები აზრი აქვს,
თუ მაინც აპირებ ლექსებში გამცვალო…
მაცვია ისე რა, ბერეტიც ვიფერე,
ხელები გაგიშვი, წავედი ხელიდან!
ჯვარცმული ბედი აქვთ ლამაზო პოეტებს!
ხომ გთხოვე ღიმილი ჩემთვისაც გეყიდა…
ან გული მოგეცა, ან ცივი თითები,
ან სახლი შენით და უფლით აღვსილი,
ახლა რომ ამ ლექსზე ბავშვივით ფითრდები,
და ვეღარ უპოვე სინანულს ნაპირი…
ქარი ქრის, ქუჩაში ფოთლების ჯაზია,
მე და შენ ცალ — ცალკე ვეყრდნობით მოლოდინს,
მიყვარხარ! და ამას ნაკლები აზრი აქვს,
მიყვარხარ! ახლა აქ, აქ უნდა მყოლოდი…
1 просмотров
Комментариев пока нет.
Будь первым - напиши свой комментарий.